TIMOR HA'U NIA RAIN-
MAKSALAK aprezenta Video espesial kona ba 20 de Maio hodi selebra loron Restaurasaun independensia RDTL BA DALA 20 iha loron 20 de Maio tinan 2022. Atu selebra loron restaurasaun independensia República democratica de Timor leste ( RDTL) ba dala 20 mak MAKSALAK liu husi ekipa TEAM MAKSALAK aprezenta video especial ba Timor oan tomak ho tema "TIMOR HA'U NIA RAIN" hodi hato'o espiritu nasionalismo ba Rai doben Timor leste. No fo rekonhesimentu ba AS'WAIN, HEROI sira ne'ebe mak fo an ba mate hodi salva RDTL.
Kordenador MAKSALAK Cesaltino Barros Pereira ( Altty ) hato'o katak nu'udar Timor oan , nu'udar jerasaun foun sei nafatin iha sentimentu ne'ebe mak as liu ba as'wain Sira hotu ne'ebe mak se an ba kilat musan hodi liberta rai doben ida ne'e. Hatutan liu tan katak nu'udar jerasaun foun, nu'udar juventude sei hakas an nafatin hodi kontribui ba servisu hotu ne'ebe mak bele fo kontribuisaun ba rai doben ida ne'e liu husi talentu ne'ebe mak iha.
Video ne'ebe mak ho durasaun 03:14 minutus ne'e produs husi Altty, Moniz panda ne'ebe mak sai nu'udar tekniku ba iha MAKSALAK no mos Maun Rio Borges ne'ebe mak hato'o mos puizia ba iha Video Refere.
Tuir Altty katak video ne'e tuir planu atu halao iha distritu sira maibe tamba situasaun mak ladun permite, tanba ne'e sira halao iha Dili deit. Maibe ho esperansa katak sei halao mos iha distritu sira.
ikus liu MAKSALAK hato'o parabens ba Timor oan tomak ne'ebe mak selebra loron restaurasaun independensia RDTL ba dala 20 (XX) iha loron 20 de Maio 2022.
Video ne'e agora dadaun iha ona you Youtube iha kanal MAKSALAK OFFICIAL
klik iha link ne'e hodi bele asiste.
media MAKSALAK
No comments:
Post a Comment