MAKSALAK
MAKSALAK mak
grupu banda hosi Dili, Timor-Leste, ne’ebé ofisialmente harii iha loron 12
Jullu 2015. Banda ne’e koñesidu tanba nia mistura estilo rock, pop no música
inspirasaun nasionalista timoroan. MAKSALAK hahú hosi grupu estudante sira iha
Colégio Fatumaca no liu hosi mudansa lubuk ida antes uza naran atual
“MAKSALAK”. Banda ne’e iha lema:
“Hakat ida,
História ida.”
História
Orijen no Fundasaun
Istória
MAKSALAK hahú iha tinan 2012 iha Colégio Fatumaca, bainhira estudante
Departamentu Eletrónika klase 2 sira forma banda ida atu partisipa iha
kompetisaun muzika Valentine’s Day ne’ebé realiza iha loron 14 Fevereiru 2012.
Iha tempu ne’ebá, banda ne’e uza naran THE STAR.
Formasaun
orijinál THE STAR kompostu hosi:
·
Romario Gomes (“Gomes”) – vokál
·
Cesaltino Barros Pereira (“Altty”) – guitarra 1
·
João Bosco (“Bosco”) – guitarra 2
·
Moises Da Silva (“Mozy”) – baixu
·
Gilvano De Jesus (“Ivan”) – bateria
Iha
kompetisaun ne’e, THE STAR konsege hetan fatin daruak.
Iha
tinan 2013, bainhira membru sira tama klase 3, banda ne’e troka nia naran ba THE
TRUTH. Mudansa ne’e proposta hosi Altty, ne’ebé inspira hosi versíkulu
Bíblia João 8:32:
“Then
you will know the truth, and the truth will make you free.”
Liafuan
ne’e iha Tetun tradús ba “Lialoos sei halo imi livre”, no sai inspirasaun importante
ba identidade banda nian.
Períodu THE
TRUTH
Iha preparasaun ba festa despedida
estudante sira iha Colégio Fatumaca, balu hosi membru antigu la konsege
partisipa tanba kompromisu pesoál no estudu. Tanba ne’e, Altty muda sai vokál
prinsipál no Mozy muda ba guitarra.
Sira kria música despedida ida ho títulu
“Adeus Hau Belun Diak” no tampil iha festa despedida koléjiu nian.
Depois remata estudu iha 2013, membru
balu kontinua estudu iha universidade no nafatin lori banda ne’e ba oin.
Formasaun foun THE TRUTH kompostu hosi:
·
Altty – vokál no guitarra 1
·
Mozy – bateria
·
Augusto Alves Freitas (“Agus”) – guitarra 2
·
Jose Pereira (“Aje”) – baixu
Maski enfrenta difikuldade kona-ba
tempu, instrumentu no treinamentu muzika, membru sira kontinua servisu hamutuk
atu dezenvolve banda ne’e.
Iha loron 24 Outubru 2014, THE TRUTH
reprezenta antigos alunos sira iha Universidade Nacional Timor Lorosa’e iha konsértu
aniversáriu tinan 50 Colégio Fatumaca nian iha Fatumaca, Baucau. Iha eventu
ne’e, banda ne’e interpreta música “Colégio Fatumaca” ne’ebé hakerek
hosi Altty.
Depois ne’e, sira hetan konvite atu halo
animasaun Natal iha Seminário Balide iha loron 18 Dezembru 2014.
Mate Membru no Mudansa ba MAKSALAK
Iha loron 17 Fevereiru
2015, banda ne’e hetan momentu triste bainhira Jose Pereira (“Aje”), baixista
no maun Altty nian, mate no fila ba Maromak nia liman. Acontecimento ne’e halo
banda ne’e para atividade muzika durante fulan balu.
Depois tempu laran,
Altty no membru sira seluk deside kontinua lori banda ne’e ba oin hanesan forma
dedikasaun ba Jose Pereira. Sira hahú treino fali no hetan oportunidade atu
tampil iha Festa Música Mundial organizada hosi Ministériu Turismo iha Largo de
Lecidere iha loron 20 Juñu 2015.
Iha eventu ne’e, THE
TRUTH kanta música:
·
“Prontu Atu Simu O”
·
“O Mak Hau Nia Moris”
Tanba sira hare katak
naran “THE TRUTH” uza ona iha nasaun barak, membru sira deside troka naran
banda nian ba MAKSALAK. Mudansa ofisiál realiza iha loron 12 Jullu 2015.
Membru
Ofisiál (2026)
Membru ofisiál MAKSALAK iha tinan 2026
mak:
1.
Cesaltino Barros Pereira (“Altty”) – vokál no
guitarra
2.
Augusto Alves Freitas (“Agus”) – baixu
3.
Armenio – pianu
4.
Dominic – pianu
5.
Fernando Antonio Pereira (“Nando”) – guitarra no
vokál 2
6.
Jeny – bateria
Diskografia
Singles
·
Prontu Atu Simu O (2017)
·
Heroi Timor (2022)
·
Tan Nia, O Hakanek Hau (2025)
·
Timor Rai Lafaek (2025)
·
Espiritu Maubere (2025)
Premiu
no Rekoñesimentu
·
Favorite Band 2025 – Timor-Leste Music
Awards 2025 (28 Dezembru 2025)
·
Second Runner-Up – Battle Bands Timor
Plaza 2025
Motto
“Hakat ida, História ida.”
.png)
No comments:
Post a Comment