Nudar joven neebe iha mehi boot
atu sai enginheiro Eletronica e
eletrica.Molok Atu alkansa mehi neebe mak iha presiza halao estudo durante
tinan haat nia laran.Molok atu remata estudo iha atividade ida neebe mak
estudante sira tenke tuir mak “Serbisu sosial” bazeia ba papel universitario
nian nebe mak dehan
1.apriende
2.peskiza
3.Serbisu sosial
Iha parte “apriende no peskiza estudante sira halao tuir hotu ona
tamba nee sei falta mak “ serbisu sosial”.
Objetivu prinsipal husi “serbisu sosial” mak atu estudante ba iha
komunidade nia leet,especial liu komunidade neebe mak dook husi vila,komunidade
neebe mak enfrenta hela problemas barak kona ba iha area nebe mak estudante
sira halao estuda ba. Iha tempo neebe estudante sira
halao estagio mos atu bele prepara estudante sira nia mentalidade atu bele
hatene maneira oinsa bele moris mesak no mos maneira oinsa bele lao hamutuk ho
komunidade neebe mak mai husi Diferentes Ambiente atu bele serbisu hamutuk.
Iha posibilidade nee Ami estudante estagiario Faculdade de
engenharia ciencia e tecnologia,Departamento eletronica e eletrica periodo 2017
husi Classe A no B fahe ba parte rua.
Classe B halao serbisu social iha Ossu,Viqueque no Classe A mak iha
Munisipio MANU-FAHI,postu administrativo Same,Suco Betano
Estudante stagiario Departamento eletronica e eletrica hahu viagem
ba fatin refere hahu husi Loron sexta feira Dia 03/08/2017.
Iha parte nee ami hakarak koalia konta oituan historia husi
Estudante Estagiario Faculdade Engenharia Ciencia E tecnologia Departamento
Electronica e electrica husi Classe A neebe mak halao estagio iha Munisipio
MANU-FAHI,posto administrativo SAME,Suco Betano.
Durasaun ami nia estagio durante fulan ida hahu husi Dia 03/08/2017
too Dia 05/08/2017.
MANEIRA HUSI ESTUDANTE ESTAGIARIO DURANTE
HELA IHA SUCO BETANO
1.Halo belun ho Komunidade
2.Sosializasaun Ba familia Ida-idak iha fatin nee.
3.Halo Belun ho estudante sira husi IPB
4.Halo relasaun familia ho Parte seguransa.......
5.Sempre hamutuk nafatin ho Autoridade lokal.
Durante
Atividade
prinsipal neebe mak ami halao iha suco Betano durante ami halao ami nia estagio
mak :
1.Prepara fatin neebe mak ami hela ba/Sede
aldeia Bemetan.
Iha loron primeiro ami nia estajio ami prepara fatin neebe mak hela
ba,hanesan hamoos,halo instalasaun,troka MCB tamba ho kapasidade neebe mak
kiik.Ami nia hela durante ami halao estagio mak ami hela iha sede suco Bemetan
neebe mak iha area Suco Betano nian. Ami mos halo pagar/lutu ba
iha sede aldeia refere tamba iha Suco Betano animal hakiak hanesan Asu,Fahi no
Bibi barak atu nuune labele tama ba iha Sede aldeia laran.
2.Halo
limpeza jeral No halo instalasaun foun neebe mak ho kualidade iha sede suco
Betano
Iha Loron segunda
feira Dia 05/08/2017 Ami hahu halo limpeza jeral iha sede suco Betano hanesan
fukit duut iha Kampu voleyball neebe mak durante nee abandona hela ao mesmo
tempo ami halo kedas instalasaun foun ba iha sede refere tamba instalasaun
anterior nee la duun diak.Iha instalasaun Ba sede suco nee Material sira
hanesan Fios,Interuptor/saklar,fitting,Tomada no material seluk ami rasik mak prepara.
Modelo
insatalsaun neebe mak ami halo iha sede suco nee mos ami uja sistema ida naran
LDR ( Light Dependent Resistor) tamba ami nuudar ema Electronica e elctrida ida
ami hakarak mos aplika kah fo mos ba komunidade buat nebe mak ami apriende.Iha
sistema LDR nia serbisu Katak LDR nia funsaun sai hanesan
Interuptor/saklar Automatika ida.katak
Iha tempo kalan Lampu sei lakan rasik no ita la presiza loke ahi,no iha tempo
loron lampu sei mate rasik no ita la presiza taka.Sistema nee ami laos aplika
iha Sede Suco Betano Deit maibe ami mos Aplika iha Fatin Seluk iha Sucu Betano
Rasik.
Agora dadaun iha
suco betano ami aplika ona iha fatin tolu mak:
1.Sede suco Betano
2.Sede Aldeia
Bemetan
3.Sede aldeia
Selihasan
3.Halo
sosializasaun Ba familia ida-idak nia uma atu bele rona hatene informasaun kona
ba eletrisidade iha sira nia uma.
Iha ami nia estagio nee programa ida neebe mak importante no presiza atu
halo mak prorama “sosializasaun”.Iha programa sosializasaun nee ami halao
vizita ba familia ida-idak nia uma Iha suco Betano Atu bele hare kona ba
problema ruma iha parte eletrisidade nian.
Karik iha sira nia uma hetan fallansu kona ba eletrisidade mak ami sei ajuda
hadia hela.Iha sosializasaun nee ami konsege hadia problema barak kona ba
eletrisidade no electronica nia iha
komunidade sira nia uma.Iha momentu sosializasaun ami mos konsege hadia ka muda
programa husi parabola neebe mak durante
la sai iha komunidade sira nia uma.
4.Halo
instalasaun eletrisidade Foun ba
komunidade nia uma.
Durante ami halo
sosializasaun ami mos hetan komunidade balu nebe mak iha uma foun maibe seidauk
halo instalasaun tan nee ami hasai dadus ba materialsira nebe presiza prepara
hafoin ami kolabora ho uma nai’n para sira prepara tiha material sira nee
depois ami prepara team ida hodi ba halo instalasaun ba sira nia uma.
5.Resolve
problema Bee neebe mak durante tinan rua ho balun la funsiona.
iha komunidade Aldeia Bemetan Buat neebe mak sira presiza liu husi Ami
mak halo oinsa para hadia hela Bee neebe mak durante tinan Rua ho balu la
funsiona ba komunidade sira.Durante tinan rua ho balu komunidade tenke ba kuru
bee no haris iha Mota laran neebe mak ho distansia dook.Iha
estajio nee ami mos konsege hadia ka halao reparasaun ba circuito Bomba bee
nian neebe mak tinan rua ho balu la
funsiona.Ami resolve Problema Bee nia Ami mos Hetan tulun husi Ami nia
professor Reinaldo...
6.Monta
Bell/Sinu Alarm iha Escola secundario geral Betano
Iha escola
secundario geral Betano durante nee uja
Sinu baibain hodi halao Prosesu aprendizazem.Tamba Ami mos hakarak halo
buat ruma neebe mak diak ba eskola refere mak ami monta Bell kah sinu neebe uza
eletrisidade hodi halo lian kontrola liu husi Interuptor.
Bainhira oras too
atu halao ensino aprendizazem la presiza dere sinu maibe ita tekan/hanehan iha
interuptor deit pois halo bell lian no
bele halao tuir atividade neebe mak presiza.
7.Seminario
kona Ba Profil F.E.C.T no Profil D.E.E.E husi UNTL. Ba estudante terceiro ano
husi Ensino Secundario geral Betano.
Iha Oportunidade nee
ami mos halao seminario ida kona ba profil FECT [FACULDADE DE ENGENHARIA CIÊNCIA
E TECNOLOGIA] no Profil DEEE [DEPARTAMENTO ENGENHARIA ELECTRONICA ELECTRICA] ba estudante sira husi Terceiro Ano Escola secundario geral
Betano atu bele fasilita sira iha sira nia futuru karik sira mos hakarak atu
estuda iha Eletronica e eletrica.Iha seminario nee Kolega Eliziario N.Pinto mak
apresenta kona ba Profil FECT no Cesaltino B.Preira mak apresenta kona ba
profil DEEE no moderador husi kolega Heldericky Tolentino.Iha seminario nee
Director Ensino Secundario Geral Betano hatoo katak sira agradese tebes tamba
materia nee importante ba alin sira husi terceiro ano atu nunee bele hatene ona
kona saida mak Electronica no electrica nee.
8.Halo
instalasaun ba Sede Administrador Postu
administrativo Same.
Ami halao estagio
iha suco Betano no tuir lolos atividade neebe mak ami halao ami tenke halo iha
suco Betano deit maibe ami mos hetan konvite husi Administrador Same Atu bele
halao instalasaun iha Sede postu administrativo Same nian no ami konsege halo
instalasaun too hotu.
9.Hadia
Escola Secundario Geral Betano nia Sanyo/Motor
Iha Escola ensino
secundario geral Betano mos kleur ona iha problema kona ba Bee tamba
motor/sanyo at.Tamba nee sira lori ba ami nia fatin estagio no ami konsege halo
reparasaun ba motor nee no ikus mai diak fali no bele uja fali.
10.Halo konstrusaun ba Haris fatin iha Sede
Do suco Betano.
Durante tinan barak nia laran iha sede Suco Betano la iha haris
fatin tamba nee tempo enkontru ruma susar ba komunidade atu ba haris
fatin.Tamba nee maske laos ami estudante
estagiario nia especialidade maibe ami mos tau prioridade ba serbisu refere
tamba nee Iha oportunidade nee mos ami halo konstrusaun ba haris fatin ida iha
sede suco Betano.Atu nunee bele fasilita komunidade sira bainhira halao
enkontru ruma iha sede Suco nee.
12.Halo placa hodi Dezenho Logo UNTL no FECT
Atu ami nia estagio nee mos sai hanesan memoria ida mai ami no mos
ba komunidade Betano mak ami deside atu dezenho hela ami nia logo UNTL no Logo
Fakuldade nian iha sede do suco Betano.Iha placa nee ami halo rua mak ida Reprezenta UNTL no ida reprezenta
FACULDADE.Iha ami nia placa nee ami ukir deit ho semente mak dezenho tuir.
ATIVIDADE EXTRA NEEBE MAK AMI HALAO DURANTE HALAO ESTAGIO IHA BETANO
Iha ami nia estagio nee ami mos iha atividade extra mak hanesan
1.Ajuda maluk sira estudante IPB bainhira
sira husu ajuda atu esplika materia ruma neebe mak sira la dun kumpriende.
Iha ami nia estagio nee ami mos halo belun ho maluk sira estudante
husi Instituto Politecnica Betano IPB,Tamba nee iha sira nia materia balun
neebe mak sira la dun kumpriende sira mai konsulta ho ami no buat neebe mak ami
bele ami esplika hela ba sira.
2.Selebra Loron FALINTIL 20 de Agosto
hamutuk ho F-FDTL posto Betano
Iha loron 20 de Agosto loron FALINTIL,Iha Same Betano amo mos hetan
konvite hodi partisipa iha Festa loron FALINTIL nee.
3.Tuir Seminario kona ba atu fura mina Iha
Betano nebe mak ho Tema “ezplorasaun mina no Gas ”husi kompanha Timor Resources
Durante halao estagio ami mos partisipa iha seminario ida neebe mak fo husi kompanha husi “Timor resourses” neebe
mak ho objetivo atu halo sosializasaun ba Komunidade Betano kona ba Atu fura
mina iha Area Betano neebe mak sei halao iha Futuro.
No comments:
Post a Comment