B. IC 4017

IC 4017 mak komponente  elektronika ida ne’ebe  ninia funsaun sai hanesan decode counter (Penghitung interval). Signifika husi Decode counter katak IC 4017 ne’e sei halo mudansa ba iha output ida hodi sai lojika ne’ebe mak as ka high iha momentu nee no sei kontinua halo mudansa hahu husi Output 0 ba too iha output 9 tamba nee IC 4017 iha Output hamutuk 10 no nia ain hamutuk 16.

IC 4017 nee rasik sei serbisu tuir clock ka pulsa ( gelomban kotak ) neebe mak kontrola nia tempu atu bele halo mudansa ba output husi 0 too 9 nee lalais ou neineik. Bainhira frekuensia husi clock neebe mak liga ba iha IC 4017 nia Ain 14 nee mak halo mudansa neebe lalais entaun output husi IC 4017 nee mos sei halo mudansa lalais ba iha output seluk.

IC4017 nee atu halo serbisu ruma mak nia tenke presiza srkuitu seluk neebe mak bele ajuda nia hodi halo serbisu. Sirkuitu seluk neebe mak ajuda nia mak sirkuitu clock neebe mak kompostu husi IC NE555 neebe mak Ami pratika mos iha grupu nee.

IC 4017 nee  mos iha funsaun no utilizasaun neebe mak barak mak hanesan decade counter, counter (penghitun), flip-flop, timer no seluk tan.

 

Figura : IC 4017

FUNSAUN  HUSI KADA AIN IC4017

IC 4017 iha ain hamutuk 16 ain numeru 8 mak ground no ain 16 funsaun atu liga ba Iha VCC tamba nee ita tenke liga ba iha fontes  tuir buat neebe mak hanesan ho IC 4017. Tuir mai ita ba hatene funsaun husi Ain ida idak iha IC 4017 

 

 

Figura : funsaun IC 4017

FUNSAUN HUSI KADA PIN IC 4017 :

·       Pin 1 : Output 5, funsaun hanesan output pozisaun  5

·       pin 2 : Output 2, funsaun hanesan output pozisaun 1

·       pin 3 : Output 0, funsaun hanesan output pozisaun 0

·       pin 4 : Output 2, funsaun hanesan output pozisaun 2

·       pin 5 : Output 6, funsaun hanesan output pozisaun 6

·       pin 6 : Output 7, funsaun hanesan output pozisaun 7

·       pin 7 : Output 3, funsaun hanesan output pozisaun  3

·       pin 8 : Ground, funsaun hanesan ground atu bele liga iha fontes negativu ou 0 volt.

·       pin 9 : Output 8, funsaun hanesan output pozisaun 8

·       pin 10 : Output 4, funsaun hanesan output pozisaun 4

·       pin 11 : Output 9, funsaun hanesan output pozisaun 9

·       pin 12 : Carry out,  funsaun husi carry out nee mak atu bele aumenta output balun tan neebe mak ita sei liga ba iha IC seluk bainhira ita presiza. Tamba nee bainhira ita presiza atu aumenta output liu 10 mak ita bele liga ain 12 carry out husi IC 4017 nee ba iha input  IC 4017 seluk nia ain 14.

·       Pin 13 : enable input, normalmente bolu mos clock enable. Funsaun husi pin nee atu bele halo ativu dalan clock ba iha IC 4017 bainhira ita fo tensaun negativu. Maibe bainhira ita fo tensaun pozitivu mak clock neebe mak lao nee sei para ou pause. Tamba nee mak iha sircuitu running Led pin 13 sempre liga ba iha terminal ground ou negativu.

·       pin 14 : Input, funsaun hanesan  hatama clock ou input clock. Clock nee baibain halo husi IC NE555.

·       pin 15 : Reset, Funsaun husi pin  nee atu bele reset fila fali ka halo mudansa fila fali ba serbisu neebe mak IC 4017 nee halo ona  Tanba nee mudansa lojika neebe mak  IC 4017 nee halo  hahu fali  husi output 0.

·       pin : VCC, hanesan input pozitivu. Atu IC 4017 nee bele serbisu bainhira pin 17 nee hetan tensaun pozitivu hahu husi +3 voolt DC too +15 volt DC.

  

Belun sira ami espera katak liu husi materia nee belun sira bele hatene ona saida mak IC4017 no,funsaun husi IC nee rasik no seluk tan.