Altty Maksalak. hanesan ema electronics no mos electrician, hakerek nain ba historia, Song writer no sai mos hanesan vocal iha grupo banda MAKSALAK.
Olaaaaa belin sira imi hotu diak ka lae, ami espera katak imi haotu dia hanesan ami iha nee hodi bele halao atividade ho diak. Ami agradese wain ita belun sira vizita ona artigu ida nee hodi lee no hatene.
Iha edisaun ida nee ami hakarak fahe ba belun sira Biografia Badak no historia husi Altty Maksalak. hanesan ema electronics no mos electrician, hakerek nain ba historia, Song writer no sai mos hanesan vocal iha grupo banda MAKSALAK. HAnesan hatete katak la kunhese mak sei la hadomi.
Okay diak mai ita lee hamutuk iha paragrafu tuir mai nee.......
HUSI KIK
Altty ho naran kompletu mak Cesaltino barros Pereira moris iha knua
samaguia, aldeia larigua np suco haeconi iha sub distrito Baguia no Distrito
Baucau Timor leste, iha loron 29 fulan outubro tinan 1993.Altty moris husi Aman
Antonio Pereira no inan Teresa barros. no sira tau nia naran Atino Bainhira sei
kik.
Altty iha Maun alin nain 6 no feton nain 7 neebe mak sira hamutuk 13 maibe mane nain rua fo feto nain rua mak fila
fali ona ba Aman maromak nia kadunan santu. Tamba nee agora sira hela mane nain
4 no feto nain 5. Iha familia simples nee altty mak oan ba dahitu (ke 7).
Altty moris husi familia neebe mak
simples liu, nia Pai ho mãe ema agrikultor deit hanesan halo toos no mos hakiak
animal iha sira nia fatin iha rufaguia, Baguia. Maske familia simpels maibe Pai
Antonio no Mae Teresa sempre hanorin sira nia oan sira atu nafatin fiar iha
maromak,.Buat neebe mak halo ema seluk admira mak , sira sempre reza iha tempo
kalan no sempre reza terus iha loron domingo.
Bainhira altty sei kik, mais ou menus idade tinan 3 kah 4 Altty nia Avo
feto husi Altty nia mãe ba koalia ho familia no hakarak hakiak altty entaun
momentu neeba sira halo tuir tiha tamnba nee Altty hahu hela ho nia avo
mane,avo feto, nia ama bot ho primo
Alito iha rai Sobami.
Avo Caetano Jose Mariz,Avo feto Albertina mariz No nia Ama bot Palmira Barros
sempre tau matan didiak ba Altty no sira sempre halo tuir deit altty nia hakrak
to bot no tama eskola Primaria kah SD.
HAHU ESKOLA
Altty tama eskola primaria iha Eskola Rufaguia neebe sai hanesan angkatan
pertama hamutuk ho nia maluk sira bainhira eskola rufaguia loke dadauk. Altty
hela ho nia avo sira mak ba eskola mais
ou menus 5 kilometros, maske Altty nia Apa no Ama hela besik liu eskola maibe
nia foti desizaun hodi hela ho nia avo sira mak ba eskola.
Bainhira Altty passa ba klase 4 SD nia hahu ba hela iha orfanato Baguia
hamutuk ho nia Maun Jose Pereira tamba iha Eskola Rufaguia foin mak too klas 3
deit.
Altty hahu hela iha orfanato Baguia maibe tamba ladun toman, no momentu
neeba nia halai sai husi orfanato no halimar deit iha uma. Hafoin altty hahu
kontinua fali nia estudu iha klas 4 iha rufaguia tamba tinan tuir mai Eskola
Rufaguia hahu to ona klas 4.
Bainhira pasa ba klas 5 Altty mai eskola fali iha Baguia Villa no hela ho
nia tiu no tia iha fatin ida naran Usubuti gata. Hafoin passa ba Klass 6 altty
ba hela tan fali iha orfanato mak eskola iha Baguia Vila. Iha orfanato Baguia
Altty hahu esforsu an hodi estuda didiak, no iha momentu neeba mak nia komesa
apriende kona muzika, Toka viola, piano no Altty mos Dala ruma lee leitura iha
missa, akolitus hodi ajuda missa,kanta salmo no mos Dere sinu igreija nian iha momentu neeba .
Altty foto hamutuk ho belun sira iha orfanato Baguia
Bainhira altty remata nia estudu iha eskola primaria nia kontinua kedas nia
estudo iha eskola pre-secundaria catolica são Jose Baguia ou SMPK iha tinan
2008 no remata nia estudu iha tinan 2010. Naran altty nee sira bolu bainhira
nia estuda iha Escola pre-secundaria no Naran altty nee mai husi Cesaltino.
Bainhira altty remata nia estudo iha nivel pre secundaria, mak altty
kontinua halao iha estudo iha Escola tecnica
professional Dom Bosco Fatucama. Iha colegio Fatumaca Altty hili Departamatentu
electronica tamba molok nee nia maun Jose Pereira mak hatete ba nia katak
Electronica nee diak no ita bele hamosu sasan sira neebe mak uniku deit.
Ezemplu speaker, lampu disko no seluk tan. No momnetu nee Altty nia maun jose
Pereira klas 3 ona no nia hili departamentu electrisidade ka listrik. Iha
Colegio Fatumaca Altty sempre hakas an atu halo buat neebe mak diak,aprende
kona ba material elektronica nian, no mos nafatin ativu iha muzika.
Iha fatumaca Altty mos hola parte iha muzika ida neebe mak momentu neeba sira tau naran The Star no konsege tuir kompetisaun kona
loron Valentine day iha colegio no konsege hetan juara 2 kah Segundo lugar.
Hahu husi neeba mak altty iha hanoin atu hari grupu muzika neebe mak ohin loron
hanaran MAKSALAK.
Bainhira altty iha klas 3 nia sente triste tebes tamba nia avo feto
Albretina neebe mak hadomi tebes nia
husik hela mundo. Maske ho tristeza nia laran maibe altty nafatin hakas an hodi
estuda didiak no prepara ba exame nasional no nia promete katak loron ida sei
nia familia sira kontente.
Altty remata nia estudu iha colegio Fatumaca iha tinan 2013 no kontinua
kedas nia estudo iha UNiversidade nasional Timor lorsae ou UNTL, iha Faculdade
Ciencia E tecnologia no Departamentu Electronica e Electrica. Altty hahu Halao
estudo IHa UNTL iha tinan 2014 no sai ona hanesan finalista iha area neebe mak
nia hili.
Iha Tinan 2015, lorn 17 fulan fevereiro mak Altty nia maun Jose Pereira
husik hela mundo no momentu neeba jose Pereira mos halao estuda iha
UNTL,departamento Informatika,senmestre 5.situasaun nee halo altty triste liu
no nia la ba tiha Campus durante fulan tolu.Maibe ikus mai altty simu realidade
no ba fali kontinua nia estudo. Jose Pereira mos nudar membro iha Banda muzika
MAKSALAK.
Iha Tinan 2017 mos Altty nia Avo Mane Caetano Jose mariz husik hela mundo,
altty fiar katak ema neebe mak nia
hadomi sira nee sei hetan fatin diak iha nai nia reino.
ATIVIDADE
LORON LORON
Altty nuudar mos estudante ida neebe mak iha professional kona area
Electronica e electrica tamba nee Nia halao nia estudo ao mesmo tempo hadia ka
halo reparasaun ba sasan elektonika sira hanesan TV, Power amplifier no mos Iha instalasaun elestrisidade hodi ajuda
nia estudo.
Altty mos nudar ema neebe mak muzikus ida, nia gosta
hakerek muzika no gosta toka viola, piano no seluk tan no nia gosta mos hakerek
historia moris nian no gosta hakerek kona ba natureza sira. Bainhira Altty
remata nIa estudo iha Colegio Fatumaca nia hahu buka nia belun sira hodi hari
band muzika ida neebe mak hanesan belun sira kunhese MAKSALAK. No agora dadaun
altty nafatin Ativu iha Band Muzika nee.
Naran : Cesaltino Barros
Pereira
Data Moris : 29/10/1993
Distrito : Baucau
Sub-Distrito :Baguia
Suco : Hae-coni
Aldeia : Lari-gua
Umakain : Uabila
Inan : Teresa Barros
Profisaun : Agricultura
Aman : Antonio Barros
Pereira
Profisaun : Agricultura
Escola atual : Universidade
Nacional De Timor Lorosa’e (UNTL)
Faculdade : Engenharia Ciência
e tecnologia ( FECT )
Departamento : Electronica
Altty nia Maun alin no bin sira :
1.Julião Barros Pereira
2.Januario Barros Pereira
3.Jose Pereira
4.Julmira Barros Pereira
6.Fernando Antonio Pereira
7. Santina Barros Pereira
8.Julieta Barros Pereira
9.Angela Barros.
Altty ho nia Pai
Altty ho nia Ama
24 Marsu 2020
Mantap......... moris sempre iha mundansa....abrasus...........
ReplyDeleteObrgdo barak Ami Nia belun, Lee ona historia ne..
DeleteSim Moris sempre iha mudamsa .espera katak Ita hotu sei halao atividade ho Diak.. kumprimentus 💜